Remove Pimples پمپلز کے لیے

ایک لیموں لیں اور آدھا کاٹ لیں،اب چند منٹ کے لیے پمپلز پر مساج کریں اس کے بعد پانی لیں اور اس میں آدھا چمچ نمک شامل کر کے چہرے کو دھو لیں، اس عمل کو دن میں دو مرتبہ دھرائیں۔

اس طرح آپ کو بہت زیادہ فائدہ حاصل ہو گا اور پمپلز کے داغ بھی نہیں پڑیں گے۔

اس طریقہ سے نہ صرف آپ کے چہرے سے پمپلز ختم ہوں گے بلکہ ٹائم اور پیسوں کی بچت بھی گی۔

بچوں کی کمزوری کیلئے

جن بچوں کی کمزوری کا سبب معلوم نہ ہو سکے ان کو گاجر کا رس چار ماشہ سے ایک تولہ تک برابر گرم پانی ملا کر دن میں دو تین دفعہ پلا دیا کریں، ساتھ ہی اس کی ماں بھی گاجریں کھائے یا گاجروں کا رس پیئے، اس عمل سے تھوڑے ہی عرصہ کے اندر ماں اور بچے کی صحت نمایاں طور پر ترقی کرے گی۔
گاجر کا رس جن بچوں کو بغیر شکایت کے بھی پلایا جائے ان کی صحت دوسرے بچوں کی نسبت لازماً اچھی رہتی ہے۔

Hemorrhoids treatment بواسیر کا علاج

مولی کے پتے سایہ میں خشک کر لیں پھر کوٹ چھان کر ہم وزن کھانڈ ملا لیں سفوف چھ ماشہ بلا ناغہ چالیس یوم تک کھائیں، بواسیر کا اکسیری علاج ہے۔

دماغ اور جگر کی گرمی کیلئے

کدو کا گودا پانچ تولہ، املی دو تولہ، کھانڈ تین تولہ ایک سیر پانی میں جوش دیں، جب ایک پاؤ پانی باقی رہے تو اتار کر چھان کر سرد کر کے ایک ہفتہ پلاتے رہیں، دماغ اور جگر کی گرمی دور ہو کر خون صالح پیدا ہو گا اور دماغ طاقتور ہو جائے گا۔

قے

قے کسی طرح بند ہونے میں نہ آتی ہو تو سبز دھنیا کا پانی تھوڑے تھوڑے وقفے سے ایک ایک گھونٹ پلانا چاہیئے، فوراً قے بند ہو جاتی ہے۔

بھوک کی کمی

بھوک اچھی طرح نہ لگتی ہو، پیٹ میں ریاح بھرے ہوں، قبض رہتا ہو تو ادرک کو تراش کر ریزہ کریں اور اوپر سے نمک چھڑک کر ایک دو ماشہ کھائیں بھوک اچھی طرح لگے گی، ریاح خارج ہوں گے اور قبض دور ہو جائے گا۔

منہ کے آبلے

ہلدی ایک تولہ کوٹ کر ایک سیر پانی میں ڈال کر جوش دیں، جب جوش آجائے تو اتار کر سرد کر دیں، اسی پانی سے صبح و شام غرارے کیا کریں اس سے حلق تالو اور زبان کے چھالے دور ہو جاتے ہیں۔